Hulanda ta drenta Toque de Queda for di diabierna awor

Gobierno Hulandes ta preparando un Toque de Queda cu lo keda na vigor te dia 9 di februari. Segun autoridadnan Hulandes, e Toque de Queda ta necesario debi na e variant Britanico di Coronavirus, cu aparentemente ta hopi mas contagioso. “E ta necesario pa nos tuma medida adicional mas pronto posibel”, segun Minister demisionario De Jonge a duna di conoce.

Segun informancionnan, ta pensando den un Toque de Queda cu lo cuminsa 8’or di anochi y lo caba 4’or di marduga, pero e orario aki ainda por cambia. E fecha pa cuminsa cu e Toque de Queda tampoco ta confirma. E lo por ta no mas prome cu diabierna, pa asina duna espacio pa tur sector prepara debidamente. Mayan den oranan di atardi (ora di Hulanda), Gobierno Hulandes lo ta dunando un conferencia di prensa pa duna di conoce mas detayes di e Toque de Queda.

 

Comments

comments