E di tres ola di contagio di COVID-19 tabata manehabel. Manera e Hulandesnan ta bisa “het viel mee”. Pa e motibo aki gobierno ta cuminsa cu e fase di suavisa medidanan: terasanan ta habri, TDQ ta disparce.
Publicacionnan na Hulanda ta mustra cu Gabinete a cuminsa cu e fase aki direccion di zomer. Halto riba e lista ta reaperura di enseñansa halto y terasanan, tambe eliminacion di Toque de Queda, y reapertura di tiendanan. Probablemente lo cuminsa cu esaki dia 21 di April awo. Diabierna e autoridadnan concerni lo discuti esaki.
Despues ta bini un decision definitivo.Si tur e deseonan di gobierno ta bay ordo ehecuta hunto, no ta mucho cla ainda. Esey ta e meta, pero tur cos ta depende di e situacion epidemiologico y e presion riba e hospitalnan.
Loke ta sigur ta cu enseñansa avansa ta habri fisicalmente dia 26 di April. Peticion pa habri terasanan ta zona duro.
Potret Bart Hoogveld
Pa motibo cu mayoria di hende a infecta caba of a haya e vacuna (casi 6 miyon persona), e presion riba e hospitalnan mester cuminsa baha otro luna. Miniser Hugo de Jonge, di Salubridad, a bisa cu ta trahando riba un plandi reapertura pa duna e puebo mas perspectiva rond di zomer. El a bisa cu poco-poco ta cuminsa elimina e medidanan y pa zomer ta keda valido solamente e reglanan basico ci “laba man”.
E actual lockdown ta valido te cu 20 di April. E intencion ta pa poco-poco adapta e Toque De Queda te ora cu elimina esaki completamente.
Aworaki Hulanda tin rond di 6500 contagio pa dia, y e presion riba hospitalnan ta fuerte ainda: segn informacion, tin 2558 pashent di coronavirus di cual 778 ta den ICU.