Hulanda a haya un bon bati di parti di Francia y casi ta elimin’e. Francia a supera di forma cla y raspa Hulanda na Paris, cu un contundente goleada (4-0). E goleadornan tabata Griezmann, Lemar (doblete) y Mbappe. Di e forma aki, Francia ta subi pa e prome luga di e grupo, tras di e derota di Suecia na Bulgaria. 16 punto di e Galonan pa e 13 di Suecia. Hulanda ta keda cu 10 na di cuatro luga, faltando 3 encuentro.
Nan por wel di skirbi WK riba nan barica, pero awor aki nan lo bay tin mester di un milager pa nan por logra e Mundial di Rusia 2018.
Carchi cora pa Strootman
Y pa pone e cherry riba e bolo, ta ora cu Kevin Strootman cu su dos carchinan geel, mester a bandona e veld. Durante e di dos mita, Lemar a caba cu e ultimo speransa Hulandes. Marcando 2 gol.
Awo teoreticamente Hulanda tin solamente un chens pa por clasifica pa e Mundial na Rusia.
Cualificacion pa mundial
Solamente si Hulanda bira ganado di su grupo, e ta cualifica. Si Hulanda bira di dos den e pule, e ora e cantidad di punto cu nan haya compara cu e otronan na di dos lua. E miho number dosnan (di e nuebe poulenan) tin cu bay lucha pa asina logra ainda cuater luga pa e clasificacion.
Fuente: www.rtl.nl