DEN HAAG – Hulanda a reacciona cu indignacion ariba e decision di Venezuela pa cera e fronteranan cu e islanan ABC, temporalmente. Segun Ministerio di Relacionnan Exterior, e hecho di ta impone un boycott comercial no acuerdo di ‘bon bisiña’.
Un vocero di minister Halbe Zijlstra a bisa cu Reino a tuma contacto cu autoridadnan Venezolano ariba e medida aki. Aruba y Corsou ta paisnan autonomo den Reino, pero Bonaire ta un gemeente Hulandes. “A puntra pa un splicacion ariba e decision. Tambe a duna di conoce cu e ceramento di e fronteranan no ta e solucion pa combati contrabando. Si tin actividadnan ilegal tumando luga lo bay discuti esaki”.
Presidente Venezolano a anuncia e boycott diabierna anochi, door cu e kier pone un paro na e botonan comercial cu ta sali for di Venezuela pa e islanan. E barconan di fruta aki ta hiba fruta y berdura, productonan cu ta schaars na Venezuela y Maduro lo kier warda e productonan aki pa su mesun pueblo. E barconan aki lo ta transporta ademas oro y plata, di manera ilegal.
Ministerio Hulandes di Relacionnan Exterior ta spera cu e boycott yega na su fin pronto. Por lo pronto lo no bin cu sancionnan diplomatico for di Reino, manera e retiro di su embahador. Den un reaccion e departamento ta enfatiza cu tin “lazonan familiar, economico y cultural estrecho” entre e parti Caribense di Reino y Venezuela. “E paisnan di Reino ta den contacto estrecho relaciona cu e desaroyonan aki”, segun e vocero. landen van het Koninkrijk staan in nauw contact met elkaar over de ontwikkelingen”, aldus de woordvoerder.
Fuente: https://www.telegraaf.nl