DE HAAG, Hulanda – Partidonan den Tweede Kamer a reacciona alivia riba e victoria di e partido liberal PAR durante eleccion na Corsou. E speransa tabata cu e relacion cu Den Haag lo ta nabega den awanan mas trankil.
Cu MFK, di e ex prome minister condena, Gerrit Schotte, toch a gana asiento, “no ta un sentimento alentador,” segun Ronald van Raak (SP) a bisa diasabra. “Pero toch mi ta contento cu e resultado.” Corsou a scoge, segun e “pa reino y no pa mafia.”
Andre Bosman di VVD ta spera riba un “forma mas stabil” di cooperacion entre Corsou y Den Haag si PAR y MAN forma un Gobierno. Pero Schotte por haci fastioso, el a adverti.
Schotte a wordo condena na tres aña di prizon debi na entre otro corupcion. E por warda riba hoger beroep den libertad. Van Raak ta spera cu e hoger beroep por tuma luga pronto “pa asina e por drenta prizon rapidamente.”
Fuente: ANP