Reino: Durante conferencia di prensa na Hulanda diamars, a dicidi cambia algun regla cu ta conta pa e covid-19. E cambionan ta keda haci den tres paso.
E aviso pa maximo 4 hende bishita cas ta keda cancela. E aviso pa traha na cas ta cambia y ta bira traha mira dia so na cas. Logicamente e otro mitar por bay traha personal.
E medidanan aki ta keda na vigor mesora.
Entrante 15 Februari 2022 tin algun pais cu tabata codigo oraño ta bira codigo geel pa loke ta biahamento.
For di 18 di februari, Horeca y otro sector cultural por keda habri te cu 1’or di marduga.
Localidad cu tin menos cu 500 persona no mester presenta mas cu un prueba di vacunacion. Tapa boca tambe no ta necesario mas pa bisti. Ta elimina e parti cu mester tin sitio destina pa un persona. Aparte di esaki ta elimina e 1.5 meter di distancia entre persona.
Localidadnan cu ta tuma mas cu 500 persona ta obliga pa sigui e regla cu un sitio destina pa persona.
Esnan cu haya corona virus por keda te cu 5 dia den isolacion, despues di 5 dia y bo no tin ningun sintoma por sali.
Dia 25 di februari awor, basicamente ta kita e Coronapas 3G.. Eventonan paden cu ta tuma mas cu 500 hende y cu no tin un sitio destina pa un persona, tur hende mester bay test ( 1G) prome cu bishita e evento.
E ‘coronapas’ ta necesario ora di bula y esaki ta depende tambe di e pais cu ta bay bishita.
Horeca y otro sitio cultural por habri normal na e oranan stipula di nan permiso. E bida nocturno por habri normal atrobe. Esaki ta conta pa e eventonan y festival cu por cuminsa atrobe.