E entrada hudicialnan awe den e diferente localidadnan (casnan, empresanan y un fundacion) den e investigacion penal contra Minister di Asuntonan Social, Hubentud y Labor, y contra otro sospechosonan, ta cla. Durante e entrada hudicialnan a wordo tuma den beslag un gran cantidad di administracion y gegevensdragers.
Den cuadro di e investigacion penal, a start tambe cu un Investigacion Financiero Penal contra dos di e sospechosonan, caminda a pidi informacion financiero cerca varios institucion bancario.
Durante e entrada hudicial cerca Minister di Labor a topa alavez cu un muhe, cu tabata traha den cas di e Minister como maid sin cu e tabatin permiso pa esaki a base di su verblijfstitel actual. El a wordo hiba pa Warda Nos Costa y actualmente ta wordo skucha.
Den e periodo venidero e team investigativo lo dedica su mes vooral na analisa loke a wordo tuma den beslag y na sigui skucha e sospechosonan y testigonan. Relaciona cu esaki, no ta exclui detencionnan.
Si bin desaroyonan especial den e investigacion, Ministerio Publico lo comunica via un conferencia di prensa manera awemainta, of via relatonan di prensa.
https://www.facebook.com/masnoticia/videos/1263274630376789/