PAPUA NEW-GUINEA – 17 prizonero na Papua New-Guinea a fayece den un huida masal for di un prizon. Nan a wordo mata pa e bewakernan.
Despues di e huida for di e prizon, tres persona a wordo gara, 57 ainda ta los, segun BBC. Autoridadnan na Papua New-Guinea ta adverti cu ta trata di prizoneronan peligroso.
Prizonnan yen
Nan tabata cera pa atraconan arma, ladronicia di auto, kiebro y ladronicia. Mayoria parti di e prizoneronan cu a huy tabata cera wardando di nan proceso. E prizoneronan na Papua New-Guinea ta yen.
E prizon di Buimo ta situa den e di dos ciudad di e pais. E prizon ta notorio pa hopi escapada. Aña pasa tambe tabata tin un huida grandi. E tempo ey 11 prizonero a wordo mata y 70 otro a huy. E aña anterior tambe 50 prizonero a fayece.
Fuente: https://www.rtlnieuws.nl/