MADRID/CARACAS- E Mayor General Chavista Hugo Carvajal a keda deteni awe na Madri, segun informenan policial a informa na ABC.
E aresto lo a bin ariba peticion di Merca, cu tambe a solicita su extradicion, segun e periodista Nelson Bocaranda, cu a skirbi ariba su cuenta di Twitter: “A keda confirma na mi e detencion di e Mayor General Hugo Carvajal pa polis Spaño riba peticion di Merca pa un acusacion bieu”.
Husticia di Merca a actua tambe contra di Hugo Carvajal, general durante gran parti di e era di Chavez tabata hefe di e inteligencia militar. Merca a desvela e existencia di dos acusacion formal contra di dje ora cu e tabata tin e oportunidad di solicita su extradicion, dia 24 di juli 2014, ora cu el a wordo deteni na Aruba, pero cuestionnan diplomatico a permiti cu Carvajal a scapa di husticia.
Carvajal a reconoce e presidente interino di Venezuela, Juan Guaido, den un video publica na luna di februari ultimo. “Aki tin un soldaat mas pa e causa di e libertad y democracia pa ta util den logra e obhetivo di reestablece orden constitucional cu lo permiti nos yama eleccionnan liber”, el a señala e tempo ey.