E ex-director di Inteligencia Militar Venezolano, Hugo Carvajal a declara awe den un comunicado cu e re-eleccion di Nicolas Maduro cu fraude a wordo cometí dor di e ex-funcionario di DGCIM, Carlos Quintero Cuevas. Den e comunicado tambe por lesa cu “responsabelmente y cu conocimiento di e causa mi kier informa Asamblea Nacional riba e sospecho di fraude electoral cu a wordo cometi dor di Conseho Nacional Electoral”. Carvajal a splica cu Quintero ta traha cu e departamento di informatica di e Direccion di Inteligencia Militar for di aña 2002 te cu 2004 y actualmente ta pertenece na e Junta Electoral di Venezuela pa cual e tin “acceso total y directo riba data di e resultadonan electoral, incluso prome cu esnan cu mester controla e resultadonan”. E comunicado ta finaliza bisando cu “ami por sigura boso for di mesun palabranan di Carlos Quintero den 2017 cu tabata bisa: cu un solo jamada pa Cilia of Diosdado nan por altera e resultadonan pa nos fabor”.