SANTIAGO, Chile- E seis huesnan Venezolano di e Tribunal Supremo di Husticia cu a yega Chile dia 19 di October ultimo despues di a pidi asilo na e nacion Suramericano, diahuebs a ricibo un “cordial bon bini” di e Directorio di e Asociacion Nacional di Magistradonan (ANM).
E magistradonan di Corte Superior José Fernando Núñez, Luis Manuel Marcano, Ramón Linares, Elenis del Valle, Zuleima Gonzales y Beatriz Ruiz, no tabata tin palabra pa gradidi e apoyo ricibi di parti di nan coleganan Chileno.
Presidente di ANM, e hues Chileno Alvaro Flores, a recorda e declaracion cu e institucion a emiti na Augustus ultimo, unda cu e gremio a respalda e decision di duna asilo na e magistradonan Venezolano.
Ademas, e tempo ey, el a extende un invitacion pa participa den e di 60 Reunion Anual di e Union Internacional di Magistradonan caminda cu Chile lo ta e sede cuminsando e fin di siman aki.
Flores a reitera e compromiso cu e huesnan Chileno “di duna nan respaldo absoluto na tur hues cu por haya nan exponi di sufri cualkier tipo di persecucion y cu nan independencia wordo seriamente afecta”.
E huesnan Venezolano ta parti di e 33 magistradonan designa pa e Asamblea Nacional, di mayoria opositor, pa integra e Tribunal Supremo di Husticia, cu na luna di Augustus a drenta e Embahada Chileno buscando proteccion y caminda nan a wordo ricibi den calidad di “huesped”.
Fuente: http://noticiaaldia.com