DETROIT, Merca – E magistrado a dicta cu Congreso tabata carece di autoridad pa adopta e ley di 1996 y cu e poder di prohibi e practica ta coresponde na cada un di e estadonan.
Diamars, e hues federal Bernard Friedman, di Detroit, Michigan, a declara e ley Mericano di 1996, cu ta prohibi e mutilacion genital femenino, di inconstitucional, segun Detroit Free Press.
E hues di distrito a dicta cu Congreso tabata carece di autoridad pa adopta e norma y a recorda cu e poder di prohibi mutilacion genital femenino ta corresponde na e estadonan, di manera individual.
“Pa hopi cu nos por aplaudi e prohibicion di un tipo particular di abuso contra di mucha muhe”, e mutilacion genital ta un “actividad criminal loco” cu “segun un tradicion largo y cu nos sistema federal di gobierno, e poder di promulga e status”, mester coresponde na “e estadonan, no na Congreso”, Friedman a scirbi den su sentencia di 28 pagina.
En corto, Friedman a desestima e cargonan contra dos dokter di estado di Michigan y otro seis acusado di a somete na al menos nuebe mucha muhe menor di edad na e procedimento aki.
E decision ta trek terug e cargonan contra di e dokter, Jumana Nagarwala cu a practica a procedimento na nuebe mucha di e estadonan di e estado di Michigan, Illinois y Minnesota den e clinica di otro dokter den e suburbio di Livonia, na Detroit. E registronan hudicial a mustra cu algun di e victimanan tabata yora, grita y sangra durante e proceso y un di nan ta wordo suministra cu’n medicamento pa manten’e trankil.
Fiscalnan a alega cu Nagarwala lo a somete te na un centenar di mucha muhe na mutilacion genital durante un periodo di 12 aña, aunke den e caso aki a cita solamente nuebe victima.
E cargonan contra cuater di e ocho acusadonan a wordo desestima, incluyendo e cargonan cu tabata pisa contra di tres di e cuater mamanan acusa di somete nan yiunan na mutilacion genital.
Gina Balaya, vocero di e fiscal Mericano Matthew Schneider na Detroit, a afirma cu e oficina di e fiscal lo revisa e sentencia prome cu apela.
Di otro banda, Molly Blythe, abogado di Nagarwala, a scirbi via email cu tanto e como su cliente ta “hopi entusiasma” cu e decision di corte.
E mutilacion genital ta un custumber religioso practica na mucha muhenan di e secta Musulman Dawoodi Bohra. E intervencion medico generalmente ta implica e retiro parcial of total di e clitoris. E ta considera comun den hopi pais di e norte y centro di Africa como Egipto, Etiopia, Somalia y Sudan, pero varios tratado internacionalnan ta prohibi esakinan. Den 27 estado di Merca e procedimento ta ilegal.
Segun calculonan di e Organisacion Mundial di Salud cita pa The Guardian, mas di 2 biyon di mucha muhe y hende muhe a wordo someti ainda na e mutilacion genital.