Mientras cu na Aruba ta bringa pa klapchi sigui bin Aruba y ta lamenta con gobernantenan ta permiti esaki sigui pasa, recientemente a sali informacion cu na Rotterdam no lo ta permiti pa tira klapchi den nan ciudad despues cu hues a aproba un prohibicion nobo.
Esaki ta nifica cu ningun hende na Rotterdam lo ta permiti pa tira klapchi entrante e aña aki. E prohibicion aki a wordo treci dilanti Januari ultimo pa bini cu un prohibicion total. Esaki lo haci Rotterdam e prome den cuater ciudad grandi pa implementa e decision aki.
E industria di klapchi a lanta un caso contra Rotterdam pa elimina e prohibicion, pero segun corte, e ciudad su prohibicion no ta contrario na regulacionnan existente den e area aki.
Industria di Klapchi a indica cu nan ta preocupa cu lo bini mas prohibicion si esakinan wordo reforsa na Rotterdam. Awo un prohibicion nacional ta riba mesa pasobra esaki por alivia peso riba salubridad.
FUENTE: AD