Awe mainta Hues a duna su decision pa loke ta trata e reconocimento di e directiva nobo di PDR, a base di e Reunion General cu a tuma luga dia 18 di Januari ultimo, y el a dicidi lo siguiente:
Den e veredicto di hues ta para cu no ta papia cu Alonso Tromp ta activo den e partido y tambe cu e no ta aparece riba lista di miembro, cu Bikker a trece dilanti den partijraad, cual ta mustra e inactividad di Alonso Tromp y tambe cu e ultimo reunion general cu tabata tin, tabata tin solamente 10 persona presente y/of ta responsabel durante un quorum, ta mustra como consecuencia e duda di e validez di e directiva. Pa motibo di esaki, hues a yega na e conclusion cu Camara di Comercio, riba su derecho por a nenga e inscripcion di e directiva nobo di partido PDR. E peticion di Alonso Tromp a wordo nenga.