ANCASH, Peru – Un hues di e region Ancash, nort di Peru, a celebra un audiencia y a sentencia un acusado, uzando e red di mensaheria instantaneo WhatsApp, e poder hudicial Peruano a informa.
Un comunicado oficial a señala cu e “situacion inedito” aki a wordo protagonisa pa e hues di e Segundo Husgado Penal Unipersonal di e Corte Superior di Husticia di El Santa, Efer Diaz Uriarte, durante un audiencia pa Omision na asistencia familiar.
E procesado, identifica como Gerardo Cuevas Rojas, tabata na e ciudad di Paita, den e region di Piura y no por a biaha pa El Santa, debi na e awasero y inundacionnan cu a afecta nort di e pais.
“Ante e inconveniente aki y e necesidad di ehecuta e audiencia, e ekipo informatico di e Mondulo Penal di Corte di El Santa, a tuma contacto cu Cuevas Rojas, atrabes di su celular,” e nota a splica.
E mobil di e imputado a wordo enlasa cu un monitor di television di e sala di audiencia pa e hues, Diaz Uriarte, mescos cu e representantenan di e defensa tecnico y e parti afecta, por a observa e intervencion den real time.
Contesta via WhatsApp
“Atrabes di WhatsApp, Cuevas Rojas a dicidi acoge na e terminacion anticipa di e proceso pa omision na e asistencia familiar (haci cargo di alimentacion) di su yiu y a acepta e responsabilidad den e delito,” el a indica.
E imputado a acepta, ademas di paga e suma di 6713 sol (mas of menos $2000) den concepto di pension y como reparacion civil. “E hues a dmiti e acuerdo cu a yega den parti y a sentencia Cuevas Rojas na un aña di pensa privativa di libertad suspendi (sin ingresa den prizon) den su ehecucion den e mesun periodo,” e nota a agrega.
E Poder Hudicial a indica cu, “den ocasionnan anterior, e personal di e area di Informatica di e Modulo Penal di e corte aki, a haci uzo di tecnologia pa recoge e declaracionnan tanto di imputa como di testigo, empleando e cuenta di Skype y hasta Messenger di e red social di Facebook.”
Fuente: http://www.elnuevodia.com