AUCKLAND, New Zealand- Un habitante di New Zealand a maltrata un mucha di 5 aña asina severo, cu e hues cu a trata e caso mes a cuminsa yora. Ta trata aki di e padrastro di e mucha. E magistrado a declara cu e criatura lo sufri pa resto di su bida, a consecuencia di e violencia extremo uzo contra di dje.
E hues, Soana Moala a sentencia e homber di 31 aña na 6 aña di prizon. Na 2015 e mucha a bay biba cerca e homber, pero esaki tabata dal’e y skop’e regularmente. Casi e mucha ta perde su bida. Ela sufri dañonan celebral y el a perde un pida di su craneo, pa cual e mester uza un helm special tur dia.
E mayornan adoptivo di e mucha a reacciona cu rabia ariba e sentencia. Na nan parecer e homber mester a bay cera pa bida largo. E hues a mustra di ta compronde nan emocionnan, pero cu e mester tene su mes na loke ley ta dicta.
Segun Moala, durante tratamento di e caso e tabata asina emociona cu el a cuminsa yora y no por a describi e heridanan di e criatura.
Fuente: www.anp.nl/rtlnieuws.nl