PARIS, Francia- Un hues Frances hubila a wordo haya morto den su cas, dunando asina un giro dramatico nobo na e caso di homicidio infantil cu tabata tin e pais den su garanan pa mas di tres decada.
E prome investigacion ta mustra di un suicidio, despues cu diamars, servicionan di emergencia a haya Jean-Michel Lambert morto den su cas cerca di Le Mans. E corant Le Parisien a informa cu e hues di 65 aña tabata tin un saco di plastic riba su cabes.
Lambert tabata e prome hues encarga cu e investigacion riba e asesinato na 1984, di Gregory Villemin, di 4 aña di edad. Curpa di Villemin a wordo haya mara na man y pia den un riu.
E asesinato cu ainda no a wordo resolvi, a wordo sigui pa un di dos asesinato pa vengansa y gran cantidad di episodionan unda cu e familiarnan di e chikitin tabata culpa otro, mei mei di un serie di cartanan anonimo.
Durante e ultimo decadanan, e caso a wordo habri di nobo y na Juni di e aña aki, e la bolbe den publicidad ora cu un pareha y un muhe di 48 aña, tur famia di e mucha homber asesina, a wordo investiga.
E hues Lambert, cu e tempo ey tabata tin 32 aña, hopi biaha tabata blanco di critica pa e forma cu el a hiba e caso entre 1984 y 1987. Diamars, un canal di noticia Frances, a publica e notanan di un otro hues cu a investiga e caso y cu a critica e trabao di Lambert severamente.
Un luna despues di e morto di Gregory, Bernard Laroche, primo di e tata di e mucha a wrodo acusa basa ariba pruebanan aporta na e caso door di su cuña, Muriel Bolle. El a wordo despues, ora cu e pruebanan cu tabata culp’e a wordo rechasa door di Ministerio Publico. Pero totalmente convenci di cu Laroche tabata e asesino di su yiu, tata di Gregory, Jean- Marie Villemin a mat’e na 1985 y a wordo condena na 4 aña di prizon. Despues ta e mama di e mucha a wordo acusa, pero tambe a wordo absolvi di e cargonan pa cual e tabata wordo sospecha.
Fuente: www.lavanguardia.com