Diahuebs, 24 di Augustus, vocero di Ministerio Publico, Ann Angela a confirma cu Hues Comisario a haya cu tabata na su luga pa prolonga e detencion di ex minister Paul Croes cu 8 dia mas.
Esaki tin di haber cu e caso yama Ibis, delitonan cu for di Maart caba ta andando. For di e tempo ey caba a interoga 30 testigo y 21 sospechoso. Di 21 sospechosonan, 8 a keda deteni pa mas interogacion dia cual ainda 3 ta deteni.
Manera cu ta conoci dialuna mainta tempran, autoridadnan local a yega na cas di ex minister Paul Croes como sospechoso di corupcion pa a tuma soborno y a firma excension (ontheffing) pa un arbeidsmarkttoets. Un conseho positivo di parti di Labor, ta un condicion pa firma di un permiso door di DIMAS. E minister a firma e ontheffingnan, a pesar di un conseho negativo di parti di Departamento di Labor (DPL). Cu e ontheffingnan aki a duna permiso na stranhero pa traha ariba Aruba. Tambe e minister ta wordo sospecha di “ambstmisbruik” y labamento di placa.
Mientras tanto, investigacionnan ta continua. Nos lo keda pendiente pa mas informacion encuanto di e caso aki.