STANDING ROCK, North Dakota – Brindis a tuma luga den unc ampamento di protesta na North Dakota diadomingo, ora cu e tribu Sioux di Standing Rock y su partidarionan a haya sa cu e Cuerpo di Ingenieronan di Ehercito a blokia e construccion di e oleoducto abao di Lago Oahe, un embalse di e riu Missouri.
Miembro y aliadonan di e tribu, incluyendo ecologista y militarnan veterano, a instala campamento den e reserva di Standing Rock na April a nenga di sali te ora cu e construccion a stop.
Reuni bao di e lema “awa ta bida”, e manifestantenan a denuncia cu e oleoducto tabata menasa e suministro di awa di e tribu y tabata profana tera sagrado. Hopi tabata tin miedo cu un liek den e tuberia por causa un desaster ambiental.
E protestanan tabata na gran medida pacifico, pero tin biaha tabata degenera den caos, caminda cu agentenan di forsa di orden tabata tira balanan di rubber, gas lagrimogeno y awa riba algun activista cu tabata provoca incendio, vandalisa e ekipo y tabata blokia e esfuersonan di construccion.
Miles di manifestante tabata prepara pa mantene nan posicion durante e winter friu, ora cu Jo-Ellen Darcy, secretario adhunto di ehercito pa obranan civil, a anuncia cu empresa di construccion di e instalacion aki, Energy Transfer Partners, lo tin cu explora un ruta alternativa pa e proyecto di 3700 miyon di dollar.
E campamento a grita di hubilo. E cantico y tambornan a cuminsa zona. “E oracionnan a wordo respondi,” chief Arvol Looking Horse, guardian di e tribu, a bisa e manifestantenan reuni den e campamento. “Mi sa cu e gran spirito lob ay bendiciona boso tur y cada un di boso.”
E euforia a desata entre e manifestantenan, alivia pasobra cu e suministro di awa di e tribu y e terenonan sagrado tabata sigur.
E activistanan a duna otro man haciendo un circulo di oracion tabata inclui e nativonan Mericano y activistanan no indigena.
No obstante, e activistanan a mustra cuidadoso riba e alcansa y e duracion di su victoria.
“Nos ta pidiendo nos siguidornan pa mantene e presion, ya cu mientras presidente Obama a concede nos un victoria di awe, e victoria no ta garantisa den e proximo administracion,” Dallas Goldtooth, organisado principal di e Red Ambiental Indigena a bisa den un comunicado. “Mas menasa ta probable den e aña cu ta bin y nos no por para te ora cu e gasoducto ta completo y totalmente derota y e awa y clima salba.”
Apesar di e decision di Cas Blanco, Energy Transfer Partners y Sunoco Logistics Partners, e corporacionnan tras di e oleoducto, a compromete pa sigui dilanti cu un plan cu ya nan a ricibi e aprobacion for di corte federal. “Nada di loke e Administracion aki a haci awe lo cambia esaki di ningun manera,” e compania a bisa den un comunicado.
Fuente: CNN en Español