Awo cu tur cos a keda cla, FTA ta pendiente pa e actividadnan di reapertura oficial di Citgo, pa asina mira con e desaroyo di nos trahadonan local lo bay ta. Segun presidente di e sindicato, Hubert Dirksz, ta contento cu e refineria ta habri pasobra di berdad e ta trece un cantidad di placa no solamente den circulacion, den caha di Gobierno, e ta sigur, e ta un ayudo grandi pa pais Aruba. Loke si ta keda pendiente keto bay, ta e situacion di medio ambiente y tambe e dudanan cu a wordo treci dilanti den e acuerdo, cu te cu awe, e sindicalista ta sinti cu apesar cu Parlamento a aproba esaki, pueblo mes no a haya informacionnan kisas di algun situacion cu nan mester sa di dje. E ora ey ta spera cu den e acuerdo lo no bay trece obstaculonan den futuro pa loke ta e relacion di e compania cu e sindicatonan envolvi, of e trahadonan envolvi. FTA ta convenci cu den e refineria ta exigi diferente tipo di trabao. Pa esey tambe FTA ta kere cu e trahadonan local tin e preferencia y ta contento cu Gobierno a bin cu un programa pa educa y train nos hendenan local, pa por drenta traha den e refineria of den e contratistanan. Segun Dirksz, tur esaki ta na beneficio di e pais Aruba y e clase trahado.