Sindicato FTA tambe a forma parti di e Dialogo Laboral Tripartite. E topico cu a wordo atende cun’e ariba e prome dia tabata e concepto di ley di ARBO. Sr. Hubert Dirksz, di sindicato FTA ta amplia mas ariba esaki.
Mirando e desaroyo di e mundo, mirando e necesidad cu tin, principalmente unda cu e Organisacion Internacional di Trabou (ILO) a bin ta denunciando tur e cantidad di situacionnan rond di mundo. Tambe e convenionan cu tin, cualnan mester wordo ratifica, respeta e cambionan di ley cu mester tuma luga. Y Aruba no por cada atras y mester bin e cambio di ley. Y ora e cambionan di ley ta na nan luga, Sr. Dirksz a sigui bisa, cu e trahado lo tin un miho calidad di trabao, unda cu e por bay trabao y bin cas.
Su siguridad ta hopi bon garantisa pa e trabao, e responsabilidad di e dunado di trabao, cu ta cumpli cu e leynan cu ta wordo poni aworaki. Na Aruba falta ley, loke cu tin si ta wordo uza pero e no ta suficiente ni pa e dunado di trabao y ni pa e trahado, tampoco pa e ambtenaar cu mester haci e inspeccion, y guia na e proceso aki pa garantisa un siguridad y salud na pia di trabao.