Awor cu e porta di refineria ta den habri, tin un cifra hopi abou di hende local cu a solicita door cu no tin hopi hende cu lo kier traha, pa cual esaki Gobierno mester haci un campaña pa busca mas hende local traha e den segun Hubert Dirksz presidente di FTA.
Tin grupo di e trahadonan aki lo a pasa nan edat cu nan lo kier drenta riba mercado laboral y otronan a bay den exterior y tin otronan cu a haya otro trabao y no ta desea di drenta pa bay traha den refineria. Ademas di esaki por combersa cu esnan cu a traha den e refineria, y ta bisa cu pa basta tempo caba ya caba den momento di Valero tin un demanda di trahadonan local pa traha den refineria. Tin un necesidad no solamente di un nivel di EPI, pero riba tur nivel. Nivelnan mas halto y nivelnan mas abao tambe. Esey no tin. Pero segun Dirksz, cu despues cu nos localnan haya e espacio pa traha den e refineria, lo mester bay importa trahadonan di pafo. E trahadonan di pafo aki no mester ta permanente, pasobra si tin un desempleo na Aruba, si nos ta bay tene esaki na cuenta. Ta bay habri un posibilidad pa duna training, un apprenticeship program pa esnan cu ta bay traha den e refineria. Cu esaki segun Dirksz, un cantidad di hoben lo por haya trabao den e refineria, cu un salario husto cu ta necesario tambe pa yuda e situacion social di pais Aruba.
Tin cu concentra riba esnan cu no tin cualificacion of esnan cu no tin experiencia di traha den refineria pa nan tambe solicita y basa riba esey por amplia e grupo di localnan cu por bay drenta den un proceso di entrenamento, prepara nan mes pa bay traha den refineria, pasobra, si esey no ta e caso, no ta keda otro e ora di importa trahadonan stranhero cu tur su consecuencianan cu e por tin riba nos infrastructura, etc. cu mientras ta bay tin un empleo pa stranhero aki, ta keda cu un desempleo di local.
Esey segun Dirksz, no ta na su luga. Pesey mes mester wak’e di cerca y loke ta importante cu e trahadonan den refineria y tambe cu lo bay traha den contratistanan cu lo bay traha den e refineria, nan lo mester wordo trata na un manera mas husto posibel cu salarionan mas husto pa evita cu kier haci mal uzo di e oportunidad aki pa introduci cheap labor, segun Hubert Dirksz.