Hubert Dirksz di FTA: Caso den corte lo dicidi kico lo pasa cu e casino na Occidental Hotel

Te cu awe, trahadornan di ex Aura Casino ta hopi rabia. Keto bay mirando cu tin hopi di nan cu no por haya trabou y no ta hayando informacion si lo haya nan trabou bek. A acerca Hubert Dirksz, presidente di FTA, pa sa con leu tur cos ta bayendo.
Punto di bista di e sindicato ta pa spera riba e caso den corte, pero mester expresa si cu e situacion cu e trahadonan di Aura Casino ta aden, ta un situacion hopi lamentabel. Hopi di nan tin problemanan social basta serio y financiero tambe, cu ta haci cu e ora sin cu por haya trabao, ta bira dificil y no tabata tin un manera pa nan sali afo. FTA lo a desea cu di un manera of otro e grupo aki lo a wordo miho yuda. Sigur esnan cu a haya e cesantia algun luna pasa, cu a wordo duna como voorschot, a yuda, pero ta un suma masha limita pa wanta tur e gasto cu e trahadonan aki tabata tin di cada luna. Esaki ta stroba e ora cu tin un grupo di trahado cu ta trankil. Maske cu tin dia 18 di October e caso den corte, pero ta spera cu no matter kico e sentencia bin, cu e Casino lo habri, cu e grupo cu ta 25 minimo, lo haya trabao eyden. Ta spera esey, segun Dirksz, pa alivia e situacion di e trahadonan aki. En todo caso e siuacion aki di Aura Casino ta lamentabel. E ta un mancha den historia di Aruba un biaha mas. Pasobra no ta prome biaha esaki ta pasa den mundo di casino, ni na Aruba, cu companianan ta cera y den e caso aki cu apesar cu tabata tin posibilidad pa trek in e vergunning pa pone presion riba e vergunning houder, no a tuma luga. Tambe tabata tin posiblidadnan pa forsa pa cambionan di ley of forsa un manera of otro pa evita loke a pasa, tur esfuerso cu a wordo haci, no a tuma luga, segun Dirksz.
Pa FTA awor mester warda te dia 18 di October pa wak kico lo pasa den corte pasobra di parti di e doñonan mes cu kier habri e casino no a tende nada te cu awe segun Dirksz.
Desde cu e caso a bay corte, te awo tin fecha cu esaki lo wordo atendi, no a tende nada mas di e interesadonan cu ta bay opera e casino.
Dirksz a splica cu tin di compronde cu tin movecion den e casino. E intencion cu e ta bay tey pa bay habri e casino, maske cu e casino ta bastante chikito, pero cu lo por draai, mientras cu e intencion tey, ta positivo, cual kiermen cu tin grupo di hende cu lo bay haya trabao, el a bisa finalmente.

Comments

comments