Diahuebs dia di Rey a tuma luga e acto protocolario di entregamento di Copa Hubenil na Wilhelmina Park, unda cu a duna honor via e premio Felipe B. Tromp na gruponan cu a resalta. Tabatin diferente actividad unda cu Su Excelencia Gobernador a entrega condecoracion pa diferente grupo, specialmente boluntarionan di comunidad di cual diaranson a tuma luga Condecoracion Real.
Minister di Salud Publico, Cuido di Nos Grandinan y Deporte, dr. Carlos “Alex” Schwengle, ta haya hopi bunita cu a duna atencion na hubentud y deporte. “Tin Chiara Petrocchi kende ta resalta tremendamente den taekwondo, unda tambe tin e dama Casienne Tromp, a pesar di su limitacion di bista, el a sa di haci deporte, no ta esey so, e ta studia bon, un futuro bon ciudadano pa pais Aruba”, Minister Schwengle a remarca.
Minister Schwengle ta kere cu ta importante no solamente riba un dia asina pa duna balor na hubentud, pero mester haci esey tur dia. “Mi ta gradici Gobernador pa elogia nos hubentud.”