BEIJING/WASHINGTON- E detencion di un ehecutivo halto di Huawei ta hisa e betnan di cu e bataya entre Merca y China pa supremacia tecnologico lo intensifica.
Huawei ta un di e fabricantenan di smartphone inteligente y ekiponan di red mundial mas grani. E ta den e curason di e ambicionnan di China: reduci e dependencia di e tecnologia stranhero y bira un potencion di innovacion pa derecho propio.
E pais ta inyectando biyones den su plan “Made in China”, cu meta pa comberti China den un lider mundial den industrianan manera e industria di robot, autonan electrico, y computer chips. E introduccion di e tecnologia wireless 5G, cu ta depende di Huawei, ta un prioridad absoluto.
Mientras tanto, Merca a bisa bon cla cu e ta pensa di rechasa e poder tecnologico creciente di China pa mantene e dominio Mericano.
“Den siglo XX, hero, carbon, auto, avion y barco, y e capacidad di produci cosnan den gran cantidad, tabata e fuente di poder nacional”, James Andrew Lewis, director di e programa di Politico Tecnoloico di e Strategic Centro y International Studies na Washington, a bisa. “E base di siguridd y e poder den actualidad ta diferente. E capacidad di crea y uza tecnologianan nobo ta e fuente di fortalesa economico y siguridad militar”.