Awe den oranan di mainta a plama hopi lihe e noticia di fayecimento di Alex Nieuwmeijer. Un hotelero cu a haci di Aruba su cas pa hopi decada.
Nieuwmeijer tabata Managing Director di Divi Resorts pa hopi aña. Un trabou cu el a desplega den forma sublime pa cual el a ricibi un reconocimento di pais Aruba na December, 2020. Minister di Turismo Dangui Oduber a bisa: “Alex semper tawata un gentleman y su contribucion na nos industria turistico tawata enorme. E industria a perde un gran ser humano den sr Nieuwmeijer. Nos a tuma e decision caba cu e rotonde na Alambra lo carga e nomber di Alex. Cu nos amigo Alex por sosega na paz y cu Dios dune sosiego eterno. Condolencia y forza na henter famia.”