Recientemente minister di Infrastructura y Desaroyo Ambiental, Sr. Otmar Oduber a tene un presentacion pa loke ta trata e desaroyonan rond di e hotel na Baby Beach.
Presente na e presentacion aki tabata t’ey tambe Sr. Orlando Hutchinson, cu despues di a ricibi e presentacion a keda sumamente satisfecho cu esaki. Como un persona cu ta yuda hende haya trabou e ta haya algo positivo pa e hendenan di San Nicolas. E hotel lo trece un balansa y como ciudadano di San Nicolas, nan ta grita pa desaroyo na San Nicolas.
Mirando e hecho cu tin hendenan di pariba cu ta traha pabou, cu mester paga transporte pa nan yega pabou di brug na nan trabou. Pero e hendenan aki lo haya e oportunidad di ta cerca di cas. Esaki lo beneficia nan, nan por sali na ora for di trabou y ora cu nan caba di traha ainda a resta tempo pa nan pasa cu nan famia na cas.
Esaki ta algo tremendo. Sr. Hutchinson ta hopi contento y emociona pa esaki tuma luga cu e bira un realidad.