RWANDA – Rwamnda ta lansando un programa di entrega di drone diabierna, caminda cu e pais ta bisa cu lo por salba bida. Rwanda a asocia cu Silicon Valley drone startup Zipline, pa entrega suministronan medico na cinco di su hospitalnan. Dentro di un aña, nan tin pensa di espande e programa pa casi mita di e 45 hospitalnan di e pais. E dronenan lo por haci 150 delivery pa dia.
Previamente, tabata tuma un averahe di cuater ora pa haci un entrega di emergencia na un hospital. Cu un drone, e entreganan aki por wordo completa den 15 minuut, di acuerdo cu Jean Philbert Nsengimana, minister di informacion y tecnologia di comunicacion di Rwanda.
“Den cierto caso e tabata hopi malo,” Nsengimana a bisa. Camindanan por bira impasabel durante temporada di yobida, retrasando e entreganan vital for di e Centro Nacional di Transfusion di Sanger.
Ta un costo prohibitivo pa mantene e suministronan disponibel den hospitalnan di epais, pa loke algun cos cu solamente por wordo entrega na un hospital ta ora cu tin cierto necesidad.
Pero e ta problematico si un pashent ta sufri un sangramento y un cierto tipo di sanger no ta disponibel. Sangramento despues di parti ta e causa principal di morto pa muhenan na estado na Rwanda. Cu lansamento di e programa aki, Rwanda ta duna un salto grandi den e mundo desaroya, cu tabata tin mas cautela den adopta e tecnologia di drone. E Zipline drones na Rwanta lo bay bula autonomicamente y leu di cualkier monitor humano.
Fuente: CNNMoney