Hospitalnan di Corsou a firma acuerdo di cooperacion cu Hospital Aruba

0
RBC Juli 2018
Funmiles-2018

Siman pasa Dr. Horacio E. Oduber Hospital a firma acuerdo di cooperacion cu dirigente di Fundashon Mariadal di Boneiro y awo a cera acuerdo tambe cu dirigentenan di St. Elisabeth Hospital SEHOS y HNO Transitie en Exploitatie N.V.. Un biaha mas e momento aki tabata historico pa tur hospital envolvi den e acuerdo aki.

E prome firma riba e acuerdo tabata di Fundashon Mariadal di Boneiro y awo a agrega dos firma mas cu ta e dos hospitalnan di Corsou, asina sr. Ezzard Cilié, Director di Cuido di Hospital, a duna di conoce. Esaki ta nifica cu ya tin 3 firma riba e acuerdo aki cu e 6 islanan, di cual falta pa haya di e otro 3 islanan. Hospital ta contento cu e logro aki, di cual pa hopi tempo ta trahando riba dje. Por fin e grupo aki a logra formalis’e. Pa Hospital esaki ta algo grandi y ta trece hopi bentaha pa tur isla. Esaki tin di haber kico Hulanda ta spera di nan riba e parti politico y e parti gubernamental. Tambe nan ta spera cu e hospitalnan ta traha hopi mas di cerca cu otro. Nan a cera cabes y lo traha conhunto di cual e acuerdo aki ta simplemente e comienso. Tin hopi trabou pa haci, pero por saca hopi beneficio di dje riba e tereno medico.

Dr. Gilbert Martina, Director General di Hospital Nobo Otrobanda (HNO) a duna di conoce cu e acuerdo aki ta sumamente importante, unda ta determina 4 area di trabou riba tereno di cuido medico. Tur hospital lo traha hunto pa mehora e servicio, calidad y siguridad pa pashent, pero tambe e parti farmaceutico y e parti di educacion y informacion di tur empleado.

Door di e acuerdo di cooperacion e islanan por intercambia cu otro experencia, ideanan, trayectonan cu nan a pasa aden. Por ehempel Hospital di Aruba ta pasa den e trayecto di traha un edificio nobo di cual na Corsou tambe ta pasando den dje pa un hospital nobo. E parti di siguridad y calidad pa pashentnan tur ta para p’e, dr. Martina a duna di conoce. Esaki ta un parti cu nan por comparti protocolnan hunto p’asina nan por siña di otro y kico tur nan a pasa aden, adapta esaki si tin mester pa sigui bay dilanti den cuido medico.

Dr. Franke Scheper, Director Medico di Stichting Sint Elisabeth Hospital (SEHOS), a traha na tur isla den e area medico y por bisa cu mayoria tin e mesun tipo di pregunta di cuido y desafio. E desafio grandi ta cu mester duna un bon cuido di calidad y siguridad, un cuido responsabel den e cuadro financiero cu tin. Esaki ta nifica cu e trabou no ta facil y mester traha mas hopi hunto y ta algo cu profesionalnan ta bezig cun’e awo, asina dr. Scheper a duna di conoce. Nan mester yega na un nivel halto manera hospitalnan rond mundo y pa e hospitalnan aki traha hunto unda cu e profesionalnan laborando den e hospitalnan cu a firma e acuerdo aki lo sigui haci esaki.

Ta importante pa profesionalnan di tur isla traha hunto y no concentra solamente riba specialistanan pero tambe nursenan, personal di sala di operacion, e hendenan cu ta laborando tras di e cuido pa haci esaki posibel. E ora ey por crece como isla, unda cu pashentnan di St. Maarten, Boneiro, Corsou y Aruba ta exigi un nivel internacional. Dr. Scheper ta kere esey ta un bentaha grandi di trahamento hunto formal riba nivel di institucionnan den Caribe local.

Comments

comments

C: Heineken
new india