Un di e puntonan mas cardinal durante di e experiencia di e bishitante ta e hospitalidad y siguridad y nos playanan. Esey ta e tres fundeshinan, di nos turismo. AHATA ta orguyoso di por tin un colaboracion estrecho cu tur esunnan concerni, pa medio di e plataforma di Aruba Hospitality & Security Foundation.
Aña pasa a pone fondo adicional, e.o. e vehiculonan a wordo añadi na e flota cu polisnan por uza. E aña aki a pone mas fondo disponibel, pa asina duna asistencia y tur pasonan cu wordo tuma, tey. Sra. Croes ta sigui bisa cu, ora cu puntra e bishitante mes, e satisfaccion ta cu Aruba ta score bon, tambe den siguridad. Pero sigur ta algo cu ora cu wak e cantidad di casonan y e mesun percepcion di AHATA, ta sinti cu mester mas atencion sigur cerca di beachnan.
Tambe di esey tin tambe e “beach policy” cu a wordo introduci y pa e ta exitoso e mester tin monitoreo y accion ora cu no ta cumpli cu reglanan di beach policy. Tur eseynan, segun CEO di AHATA, Sra. Ronella Croes, ta aspectonan cu ta yuda organisa nos beachnan miho.
Den cuadro di esey, AHATA tabata tin un peticion na Aruba Hospitality & Security Foundation, pa considera toch pa tin un ekipo dedica na nos beachnan pues mas visibilidad den e areanan aki. Mescos cu tin den e area di ciudad. SIgur mas polis, mas visibilidad pa asina por controla diferente tipo di accionnan cu mester atencion eynan. Esey ta un di e peticionnan y AHATA ta spera cu den e proximo dos simannan cu por tin un reunion cu Aruba Hospitalilty & Security Foundation, pa asina activa fondonan pa por tin esey di parti di maneho di Aruba Hospitality & Security Foundation, y de facto polisnan tambe. Asina CEO di AHATA, Sra. Ronella Croes a splica.