Hòspital ta amplia ku 11 spesialista médiko i 2 air ambulans

Boneiro: Den kuadro di preparashon ku mester hasi pa posibel kontaminashon di e vírùs di Corona na Boneiru, hòspital ta tumando medidanan pisá. Riba djaweps 19 di mart ocho spesialista di air ambulans a yega Boneiru for di Colombia. Tambe tin dos air ambulansadishonal na aeropuerto Flamingo kla pará pa momentu ku esaki ta nesesario por transportá pashèntnan pa eksterior. A regla tambe back-up pa mas air ambulans si un dado momentu esaki ta nesesario.

Tur esaki ta pa prepará, si dado momentu e kapasidat na Boneiru no ta sufisiente. E personal di air ambulansfor di Colombia ya a sinta dos siman den karentena pa di forma preventivo pa asina ekskluí e posibilidat ku nan por tin e vírus.

Aparte di esei Fundashon Mariadal banda di remplaso a pidi tambe pa ekspanshon di spesialistanan médikopa bin Boneiru den koperashon ku Amsterdam Universitair Medisch Centrum (AUMC). Pa motibu ku e espasio aéreo ta será mester a pidi pèrmit speshal serka gezaghèber pa laga e spesialistanan aki bini Boneiru.

Na momentu ku e spesialistanan aki yega, nan ta bai huntu den karentena pa dos siman. Esaki ta nesesario pasobra Hulanda ta un área di rísiko. Durante e dos simannan ku nan ta den karentena nan ta bai hasi preparashon i deskribí protokòlnan nesesario enfoká riba nos situashon lokal. Despues di esaki nan huntu ku e otro spesialistanan di hòspital ta kla pa sostenéFundashon Mariadal na momentu ku esaki ta nesesario.

Tur esaki ta preparashon pa asina por atendé na e manera adekuá na momentu ku e situashon presentá ku tin vários hende infektá ku e vírùs i nan situashon ta di tal gravedat ku nan mester ta den hòspital.

Tur e inisiativanan aki tin komo meta pa ta prepará pa e asina yamá “worst case scenario” (e situashon di mas grave ku por imaginá). Ochenta porshento di persona infektá ku e vírùs di Corona ta bira levemente malu. Binti porshento ta haña síntomanan un tiki mas fuerte i un par di binti porshento aki por haña síntomanan severo kaminda mester di asistensia di un spesialista. E asistensia aki ta garantisá ku e èkstraspesialistanan médiko aki.

Te na e momentunan aki Boneiru no tin niun persona ku a tèst positivo pa e vírùs di Corona, pero na momentu ku esaki sosodé tin bon kuido médiko reglá.

Comments

comments