Hospital lo entrega un claim financiero contra di e contratista

0

Pa loke ta trata e situation na hospital, Sindicato AVB a indica cu tur cos ta status quo y cu cualkier momento e asunto di holo di diesel por presenta. Y ultimo, tabata problema di awa. Sr. Dangui Oduber, minister di Salubridad Publico ta amplia.

Hospital ta den un situacion di crisis, explosivo. No solamente e ta problema cu construccion, of e problema di diesel. Na mas di un ocasion tabata tin un dieselspill. E siman ki tabata tin tambe un problema cu awa.

Minister tabata tin un reunion cu gerencia di Hospital, cu SOGA y representante di ABV, y durante e reunion a haci palabracionnan concreto, di con pa atende cu tur e issuenan cu tin. Y loke a bin ariba mesa, ta cu hospital lo mester entrega un claim financiero, pasobra cu cada biaha cu algo sosode na hospital y operacionnan mester wordo para, trahadonan no por traha, tin walk-out, esaki tin impacto enorme ariba e finansas di hospital, ta na su luga pa hospital tene e contratista encarga cu e proyecto, ARIANO, responsabel pa tur e gastonan aki. A wordo palabra den e reunion ey, cu hospital lo traha un overzicht di tur e hechonan di aña pasa te cu awo, pa entrega un claim, pa asina e contratista cu den varios di e casonan aki, cu e minister por a saca tabata nalatig, cu no a cumpli cu e exigencianan basico di construccion, pa nan paga e gastonan aki.

Ta un problema cu ta afectando e operacion diario di hospital, ya cu cada pasa dos siman algo ta sosode, y ainda tin casi 50% di construccion cu mester tuma luga pa finaliza e proyecto, mientras cu tin un budgetoverrun di 100 miyon. Tin dos proyectleider, pero lo bin cu’n di tres proyectleider imparcial, pero e discusion ta ken ta paga pa esaki. Mirando e situacion financiero di gobierno, e no tin e placa disponibel pa por contrata un proyectleider.

Un di e issuenan grandi di e proyecto aki, ta cu tin un boiler cu a wordo ubica den e hospital, contra tur conseho di Brandweer y DTI. Y awe, nos tur ta cargando cu e cosnecuencia. Na e momentonan aki, SOGA ta haciendo un investigacion cuanto e ta bay costa pa saca e boiler for di e edificio, con esaki mester tuma luga den practica. Y dentro di tres siman minister lo mester ricibi e informacion aki pa asina resolve e problema di e boiler.

Pa loke ta e lekkage di e tubo di awa, esaki tin atencion di esaki, ya cu practicamente tur siman tin algo. E claim ta sumamente importante, pero hospital no a entrega niun claim oficial contra e contratista. Y tur es tempo cu ainda e contratista no a entrega e proyecto, e ta keda responsabel pa e proyecto.

Tin un discusion cu SOGA cu no ta den un liña di comunicacion cu e contratista. Ta hopi obstaculo tin den e proyecto aki y p’esey a palabra durante e reunion pa kita tur duda for di mesa, hospital mester entrega e claim, pa cuanto placa e proyecto a costa e pais. E ora e contratista mester traha manera mester, y te awe no tin ningun demanda ni contra SOGA ni contra e contratista.

Comments

comments