Ultimo temponan aki por a ripara cu e ladronica di koper a lanta cabes, cual ta un acto peligroso segun Sr. Robertico Koolman, director di Elmar NV, cu ta splica di e peligernan di e acto aki.
Cada biaha cliente ta yama bisa cu nan ta perde cliente, pero ora cu tecniconan di NV Elmar yega eynan, ta ripara cu varios waya ariba e palo di luz a wordo horta. E ta algo fastioso, esun cu ta hciendo esaki tin su peligernan cun’e. E wayanan ta conecta na coriente y esaki por ta fatal.
NV Elmar ta pidi su clientenan pa ta mas atento, pa asina yuda gara e malhechor, y asina yuda e cliente cu e no ta bay haya mas problema cu coriente. Keho a wordo entrega na polis.
Aworaki e ladronan ta yegando na e parti di 220. Unabes cu nan corta e waya, un chispa cay ariba e persona, esaki por wordo electrocuta .
Pris di koper tambe ta subiendo, cual ta haci e demanda pa koper hopi mas grandi. Ta trahando hunto cu polis y recherche pa hunto gara e ladronnan aki.
Pa loke ta pasamento di waya bou di tera, Sr. Koolman a reitera cu esey ta posibel, pero esaki sigur ta mas caro. Door cu Aruba su tera ta seco y duro, e no ta algo cu ta bay asina facil.
Cualke hende cu ripara algo sospechoso, por yama storingsdienst di Elmar of yama autoridadnan pa asina nan logra gara e ladronnan di waya di koper.