DEN HAAG, Hulanda – Cerca un abastecedor di energia Hulandes, mas di 2 miyon di contracto di energia digital domestico a wordo horta. Esaki ta datonan di contractonan di coriente manera e uzo anual, tipo di conexion y e fecha final di e contractonan. E informacion por wordo uza pa ofertanan di producto indesea manera contractonan di coriente cu por wordo bendi via post, segun Netbeheer nederland y Energie-Nederland a laga sa diamars.
Organisacionnan no kier laga sa cerca cua abastecedor e datonan aki a wordo horta. Ta posibel cu un ex trahado lo a tribi saca esaki for di e sistema. Loke no ta cla kico lo bay wordo haci cu e informacion aki. “Banda di e caminda hudicial e eliminacion di informacion ta wordo exigi,” segun vocero di Netbeheer Nederland. E siman aki un kort geding lo wordo entama.
E caso awor aki ta wordo investiga pa asina evita cu den futuro un biaha mas e sistema lo wordo mal uza y informacion por wordo horta. E ladronicia a wordo denuncia na e Autoriteit Persoonsgegevens. Ya caba un investigacion a cuminsa pasobra tabata tin preocupacion riba e siguridad di informacionnan di coriente for di e registro caminda cu e data a wordo horta, e vocero di e autoridad a reacciona.
“Nos a pidi pa saca afo kende ta esun cu a duna permiso pa yega na e informacionnan aki. Despues e datalek a bin sali na cla,” segun e vocero.
Fuente: De Telegraaf