BERMUDA – Horcan Nicole a gana diaranson intensidad ora cu el a subi di categoria, cu bientonan maximo sosteni di 100 miya pa ora (155 km/h), mientras cu e ta aproxima e islanan di Bermuda, Centro Nacional di Horcan di Merca, a informa.
Nicole, cu a converti diamars di nobo den un horcan, ta 320 miya zuid-zuidwest di Bermuda y ta desplasa lentamente noord-noordwest cu un velocidad di 5 miya pa ora, segun NHC a indica den su boletin di 12’or ora local.
Nicole, e di seis horcan di e temporada ciclonico den e cuenca Atlantico, lo bira awe pa nort pa move asina noord-noordwest diahuebs.
Segun e patronchi aki di e trayectoria, expertonan ta indica cu e centro di Nicole “lo ta cerca d Bermudas,” dilanti di e costa oost di Merca, diahuebs.
Cientificonan di NHC, cu sede na Miami, nan ta premira un “fortalecimento adicional” di Nicole den e proximo 24 oranan, pa loke ta cerca di converti den un horcan di “forsa mayor,” cu biento di 111 miya pa ora, na ultimo oranan di dia.
Nicole por ocasiona diahuebs, precipitacionnan fuerte cu un acumulacion di awasero te cu 12.7 centimeter na e islanan di Bermuda, ola y inundacionnan “destructivo” cerca di costa, mescos cu e marehada ciclonico.
A emiti un aviso di horcan pa e islanan di Bermuda. Nicole a converti den un horcan y despues a degrada den e mesun hornada caminda cu zuidoost di Merca, a mantene e expectativo pa e yegada di e peligroso horcan Matthew, cu bari e costa noordoost di Florida y a toca tera diasabra ultimo como horcan di categoria 1 na South Carolina.
Den e temporada aki di horcan den Atlantico a forma 14 tormenta tropical, di cual seis a converti den horcan (Alex, Earl, Gaston, Hermine, Matthew y Nicole).
Fuente: NTN24