FLORIDA, Merca – Ta spera cu e wowo di horcan lo subi tera diaranson den e parti noroccidental di Florida, pa despues sigui pa e parti noordoost di e pais.
Horcan Michael a cobra forsa diamars den e golfo di Mexico, alcansando categoria 3 mientras e ta avanza pa e costa zuidoosst di Merca, segun e National Hurricane Center.
Actualmente e horcan ta na 470 km zuid di Panama City, Florida, moviendo na 19 kmn pa hora den direccion noord- noordoost y pa bientonan maximo sosteni di 195 km pa hora.
NHC a emiti un advertencia di lama bruto te hopi bruto na varios localidad di estado di Florida, for di e condado di Okaloosa te cu riu Anclote. Esaki, segun e centro, kiermen cu durante e proximo 36 horanan di subida di nivel di lama por bay basta paden di costa, cual ta un situacion “potencialmente mortal” y ta representa un gran peliger.
Presidente Mericano, Donald Trump, a declara estado di emergencia na Florida y a duna ordo pa asistencia federal pa complimenta labornan di respuesta.