Horcan Michael a subi tera como categoria 4

0
RBC Juli 2018
Funmiles-2018

MIAMI (FLA), Merca- E horcan Michael, di categoria 4, a subi tera diaranson cerca di Mexico Beach, den e area noorwest di Florida. E zona aki ta registra olanan ciclonico “moral” y bientonan “catastrofico”, según e National Hurricane Center ainforma. Den un boletin special, NHC a indica cu e horcan ta move cu bientonan maximo sosteni di 250 km/h y cu rafaganan superior. E ta moviendo den direccion noord- noordwest na 22 km/h.

Pa varios aña caba un horcan manera Michael, cu a bira mas fuerte diamars desde cu el a drenta e golfo di Mexico y diaranson mainta a yega categoria 4 riba e scala di Saffir Simpson, cu ta yega te na un maximo di 5.

Segun e gobernador di Florida, Rick Scott, esaki ta e pio ciclon cu nan a wak den e zona den 100 aña. Y el a alerta esunnan cu no ta obedece e orden di evacuacion obligatorio cu ya ta demasiado laat. A urginan pa bandona e zona y busca un refugio “di biaha”.

Mientras, presidente di Merca, Donald Trump a mustra su preocupacion pa e fenomeno, sigurando cu te cu siman pasa e tabata un “tormenta chikito”, pero cu awo “a bira un moster”. Den e sentido aki, e mandatario a anuncia cu probablemente “e lo bishita e luganan afecta den e proximo dianan, asina cu esaki ta posibel. Mi no kier stroba e ekiponan di rescate”, e mandatario a sigura den un encuentro cu e secretaria di Siguridad Nacional, Kirstjen Nielsen, y e director di e Agencia Federal di Gestion di Emergencia (FEMA), Brock Long.

Comments

comments

C: Heineken
new india