E poderoso Horcan di categoria 4 Matthew ta sigui cu su caminda pa Haiti cu bientonan maximo di 140 miya pa ora y modelonan ta inclina un poco mas pa west, loke ta pone en riesgo e estado di Florida.
Meteorologo di e Centro Nacional di Horcan a señala cu e pronosticonan di tres dia, ta mustra un desplasamento pa west, den direccion di e costanan zuidwest di Florida.
E di cinco horcan di e actual temporada ciclonico di Atlantico a mantene e mesun velocidad y intensidad den su boletin di 9’or, y a inclui aviso di horcan (paso di e sistema den 36 ora) pa e centro di Bahamas.
Matthew lo descarga henter su furia e anochi di dialuna riba Haiti, unda cu e intenso “awasero, biento y marea halto lo ta un menasa pa bida humano.”
E horcan lo sigui lentamente su avanse den direccion nort cu un velocidad di traslacion di shete miya pa ora, CNH a indica den su boletin di 9’or.
Matthew ta 225 miya zuidwest di Port au Prince, capital di Haiti y 140 miya zuidoost di Tiburon, na Haiti.
Segun un probabel patron di trayectoria, “e centro di Matthew lo yega cerca zuidwest di Haiti riba e anochi di dialuna y oost di Cuba diamars,” pa move despues diamars,” pa move despues diamars anochi y diaranson, “cerca of riba porcionnan zuidoost y centro di Bahamas,” CNH a resalta, cu su sede na Miami.
Matthew ta un “peligroso horcan di categoria 4 den e escala di intensidad di Saffir-Simpson, di un maximo di 5 y ta spera “algun fluctuacion di su intensidad den e proximo 48 ora,” aunke “e lo permanece como un poderoso horcan te cu diaranson,” expertonan a agrega.
CNH a emiti aviso di horcan (paso di e sistema den 36 ora) pa e centro di Bahamas, incluyendo Long Island, Exuma, Rum Cay, San Salvador y Cat Island.
Ta mantene di igual forma e aviso aki pa Jamaica, Haiti y e provincianan Cubano di Guantanamo, Santiago de Cuba, Holguin, Granma y Las Tunas, mescos pa zuidwest di Bahamas, incluyendo e islanan Inaguas, Mayaguana, Acklins, Crooked Island, Long Cay y Ragged Island.
Di un otro banda, e Centro Meteorologico a emiti un vigilancia di Horcan (paso den 48 ora) pa noordwest di Bahamas, incluyendo e islanan Abacos, Andros Island, Berry Islands, Bimini, Eleuthera, Grand Bahama Island y New Providence. E mesun medida ey ta keda mantene pa Camaguey y Turks and Caicos.
Di igual manera, Republica Dominicana, den concreto desde west di Barahona te cu e frontera cu Haiti, ta bao di aviso di Tormenta Tropical.
E meteorologonan a adverti tambe cu ta pronto pa descarta cu e sistema aki no impacta e costa west di Florida, si ta bon mayor parti di e modelonan via computer riba cinco dia lo ta situa riba e peninsula Floridano na e borde exterior di e cono di accion.
Fuente: NTN24