MIAMI, Florida – Horcan Maria a debilita na categoria 2 y ta avansa pa e zona oriental di Republica Dominicana cu bientonan maximo di 174 kilometer pa ora, tras di causa desaster y inundacionnan “catastrofico” na Puerto Rico.
Maria ta na 120 kilometer oost di Punta Cana na Republica Dominicana y ta move noordwest riba 19 kilometer pa ora, e Centro Nacional di Horcan (CNH) di Merca a informa.
Meteorologonan ta spera un fortalecimento di Maria den e proximo dianan y a indica cu e por bolbe ta un horcan di categoria mayor diahuebs, segun e agencia di noticia Efe.
CNH a indica cu ta spera cu Maria sigui avansa den direccion noordoost, aunke cu decrecimento paulatino di e velocidad te cu diahuebs anochi y cu diabierna e lo bira bay noord noordwest.
Fuente: www.ntn24.com