MIAMI, Merca- Segun pronosticonan horcan Maria lo fortalece su mes rapidamente durante e proximo dos dianan, ya cu e ta apunta na e islanan Caribeño destrui ya caba door di horcan Irma recientemente.
Den oranan di mainta di dialuna, Maria ya caba tabata un horcan categoria 2 y horanan despues el subi pa categoria 3. Segun e Centro Nacional di Horcan, e lo por yega Puerto Rico como un ciclon peligroso.
Segun e ultimo calculonan e horcan lo por coy forsa den e proximo 48 horanan y ta ser spera cu Maria lo bira un horcan peligroso prome cu e move pa Islanan Ariba. Esaki segun e National Hurricane Center.
Den su ultimo actualisacion, e centro di horcan a coloca Maria na 160 kilometer oost di Martinica y na 215 kilometer di Dominica.
Actualmente Maria ta un horcan categoria 1 cu bientonan di 144 kilometer pa hora y ta segun pronosticonan e por sigui move den area di Caribe na 20 kilometer pa hora.
Maria ta un di e tres tormentanan cu ta move den Oceano Atlantico pero ta representa e peliger di mas grandi pa Cariba asota ya caba pa horcannan.
Ya caba a emiti hurricane watch pa Martinique, Guadaloupe, Dominica, St. Kitts & Nevis y Montserrat.
Un tropical storm watch ta vigente pa Antigua y Barbuda, Saba, St. Eustatius y St. Lucía. Un hurican warning a wordo extendi pa Puerto Rico y su islanan Vieques y Culebra. E alerta a wordo emiti pa e islanan US Virgin Islands, British Virgin Islands, St. Maarten / St. Martin, St. Barthelemy y Anguila. E islanan aki ya caba a wordo destrui door di horcan Irma, matando 44 persona.
Fuente: http://cnnespanol.cnn.com/