98% di e isla Colombiano ‘Providencia’ su infrastructura ta totalmente destrui, y te cu ainda tin reportahe di un solo morto por medio di e horcan lota di categoria.
Hopi hogarnan a wordo afecta y infrastructura publico a sufri hopi daño. Presidente di Colombia, Ivan Duque a bisa cu esaki ta e prome horcan di categoria 5 cu a dal e nacion aki den su historia. Durante un rueda di prensa diamars mainta, presidente Duque a bisa cu su administracion tin dificultadnan den comunicacion cu e isla pa via di dañonan na infrastructura di comunicacion. E daño aki ta haci cu ainda no tin un bon bista of informacion riba e destruccion den su totalidad ainda.
Isla Providencia tin un populacion di 5,000 hende anto ta parti di e Archipelago di San Andres, Providencia y Santa Caralina ta localisa den lama Caribense, 775km nort-west di Colombia. Mayoria di residentenan cu ta biba na Colombia tin dificultadnan tumando contacto cu miembronan di famia na e isla y amigonan, mirando cu no tin internet, y no tin servicio di yamada pa mas cu 24 ora caba.
Fuente: ALJAZEERA