PHILIPSBURG, St. Maarten- Evacuacionnan masivo ta na caminda despues di cu horcan Irma a arasa den Caribe cu bientonan di 185 mph na momento cu agencianan ta preparando nan mes pa un “ayudo humanitario masivo
Centro di Horcan Mericano a bsia cu Irma a bira un horcan hopi peligroso di categoria 5 y el a haci su prome entrada den e islanan den e parti noord di Caribe ariba un paso cu lo por hib’e pa Merca, causando panico entre e miles di personana cu a cumisna cu e compra masivo di productonan di prome necesidad y tambe ta preparando pa evacuacionnan.
Awe mainta, e wowo di e horcan cu potencialnan catastrofico, cu ta calcula cu ta mes grandi cu Francia, a dal den Barbuda djis algun hora despues cu autoridadnan a avisa e comunidad pa busca proteccion di e horcan y a cera cu “Dios proteha nos tur”.
Awaceronan torencial y bientonan duro di e horcan, cataloga como esun mas poderodo nunca antes bisto den lama Atlantico, tambe a suta Antigua, mandando desperdicionan den laira mientras cu hendenan tabata den cas, buscando siguridad den nan cas of den shelternan.
Autoridadnan a bisa cu e isla Frances di Saint -Barthelemy y Saint-Martin tambe a wordo azota violentamente y cu hasta e edificionan di gobierno a wordo severamente daña.
Presidente di Merca, Donald Trump a declara emergencia na Florida, Puerto Rico y US Virgin Islands y autoridadan na Bahamas a bisa cu nan lo evacua e habitantenan di e seis islanan na e parti sur di e cadena di islanan. Un evacuacion obligatorio ta tumando luga na e cayonan di Florida.
Expertonan ta bisa cu Irma ta asina poderoso cu te hasta aparatonan diseña pa detecta temblor ta registra su movecionnan.
Ademas di Irma, tormenta tropical Jose a forma den Atlantico y ta ser spera cu e lo bira un horcan. Un di tres tormenta tropical, Katia, tambe a forma den e Golfo di Mexico pero segun calculonan, e lo keda pafo na e costanan te cu diabierna mainta.
Irma durante su pase door di lama Atlantico, Irma tabata tin un “intensidad sin precedente” segun Meteo France.
E ta e horcan mas potente cu e horcan Luis (1995 St. Maarten), Hugo (1989, 15 morto na Guadaloupe) y Harvey, cu recientemente a azota Texas y Louisana provocando e morto di 42 persona y mas di 1 biyon di dollar na dañonan material.
– ‘E cas ta tembla’ –
E paso di e wowo di horcan di e ciclon a wordo compaña di “un trankilidad temporario y engañoso”, manera un sifon cu ta genera un forsa manera bashi. Pero un muraya di nubianan ta sigui’e y bientonan cu ta provoca condicionnan mas extremo”, Jerome Lecou, di Meteo France.
Na Saint- Barthélemy, e bientonan ta intensifica, e cas ta tembla, segun habitantenan.
Fuente: http://www.dailymail.co.uk
Fuente: https://www.afp.com