HOUSTON, Texas – Awasero “catastrofico” ta wordo predici, mientras cu Horcan Harvey ta avansa riba e costa zuidwest di Texas. Harvey, e horcan Mericano mas fuerte den mas di un decada, a yega tera diabierna laat, como un tormenta di Categoria 4.
Te asina leu, e tormenta a baha di categoria te cu 1, cu bientonan sosteni di 75 pa 95 miya pa ora.
Guarda Costa a manda dos helicopter pa purba di rescata e tripulacion di tres tugboat den problema, cerca di Lydia Ann Channel, cerca di Port Aransas, Texas.
Ta probabel cu lo bay tin awasero di “un pia” na principio di otro siman. National Hurricane Center ta adverti riba “inundiacion catastrofico” pa e proximo dianan.
Aproximadamente 230 mil cas y negoshi a wordo reporta di ta sin coriente.
Harvey a yega tera pa 10’or di anochi diabierna, noordoost di Corpus Christi, como un tormenta di Categoria 4, cu bientonan den exceso di 130 miya pa ora.
Mientras tanto na e mesun ciudad aki, un doño di cas a tira un intrusi, mientras cu Harvey a toca tera, polis a bisa.
Reportenan di daño di e ciudadnan di Golfo ta inclui dak y murayanan cu a cay.
Presidente Donald Trump a firma un declaracion di desaster pa Texas, “cu lo desata e forsa completo di ayudo di Gobierno!” el a skirbi riba Twitter.
Fuente: www.yahoo.com