TECNOLOGIA
Segun un informe di The New York Times den un reporte, mas di 250 wega di e tienda di Google Play ta uza ‘un software’cu ta scucha señalnan di audio den aviso – y programanan di television door di microfononan den e ‘smartphone’.
Crea na San Fransisco pa e compania Alphonso, e software por detecta zonido, incluso ora cu e telefon ta warda y e aplicacion ta keda habri den background. E informacion por wordo recolecta ora cu e aplicacion no ta habri, pa despues wrodo bendi na varios anunciane pa e producccion di publicidad personalisa di aviso y analisis.
Segun informenan, e ‘software’ no ta graba combersacionnan humano y e persona ta liber di opta di no uza e servicio di ‘tracking’ den cualkier momento.
E hefe ehecutivo di e compania, Ashish Chorida, a bisa cu Alphonso a asocia su mes cu studionan di cine pa studia habitonan di hende den cine. “Hopi hende ta paga nan celular, pero un parti chikito ta keda cu nan telefon cendi, warda den nan saco”, Chordia a bisa na e corant Neoyorquino.
Mientras cu e mayoria di e aplicaccionnan haya ta haci uzo di e ‘software’ ta disponibel den e tienda di Google Play, un cantidad chikito di esakinan por wordo baha tambe for di e App Store di Apple.
Aunke cu Chorida a bisa cu e compania no a aproba e uzo di e ‘software’ di e aplicacion pa mucha, a bin hay’e integra den weganan pa mucha manera ‘Zap Balloons’ y ‘Teeth Fixed’, di e compania Klap Edutainment.
Fuente: https://actualidad.rt.com