Aruba tin hopi ainda pa drecha. Tin hopi organisacion cu por haci un bon trabao. Pero si loke mester ta coordinacion entre departamentonan. Sr. James Sneek, di Telefon pa Hubentud ta amplia.
Ta falta coordinacion entre organisacionnan pa asina e circulo por ta completo. P.e un mucha cu a drenta di un porta, pa ora cu e pasa dor di tur e instancianan, y e sali, e ta sali yuda. Aruba tin hopi organisacion, pero no tin e cooperacion pa resolve un caso. Esey ta motibo pa cual Telefon pa Hubentud ta traha cu’n Samenwerkingsprotocol. Y esaki ta bin dianti cada biaha den e reunionnan. Pero ta keda na organisacionnan pa tuma e stap.
Como ehempel, Telefon Pa Hubentud tin 8 protocol cera y un di nan ta cu CBS. Of cu Bureau Sostenemi, y ora cu Telefon Pa Hubentud haya un caso, nan mes ta meld e caso nan Bureau Sostenemi. Haci e brug mas cortico.
E doelgroep ta di 8 aña pa 24 aña. Pero nan ta haya yamada di un mucha di 6 aña cu ta bisa cu nan ta nan so na cas y cuidando di nan ruman chikito. E grupo mas grandi cu ta yama Telefon pa Hubentud, ta muchanan di entre 11 cu 14 aña. Esaki ta e grupo cu ta pasa den Peer Pressure, ta cambia di scol basico pa scol secundario, ta siñando cosnan nobo, ta desaroya sexualmente. Pero tambe hobennan te cu 24 aña tambe ta yama Telefon pa Hubentud. Hobennan cu a laga pubertud atras pa bira hoben adulto.