Pa hopi aña caba, mayornan no por carga e schoolgeld mas. Sr. Edgard Vrolijk, parlamentario pa partido MEP ta splica mas ariba esaki.
Sr. Vrolijk ta sigui bisa cu, personalmente, e mes ta contra di e nomber schoolgeld. Paso cu e no tin di haber cu schoolgeld. Vooral ora ta papia di scolnan basico, kleuterschool cu ta pagando. E ta eigenlijk un contribucion di parti di mayornan. E mayor ta paga 175 florin. Un parti di e placa aki ta bay pa gastonan administrativo, gastonan pa ora di actividad y hasta di seguro, cu eigenlijk ta AZV ta cubri si algo pasa e mucha.
No ta e fundacion ta cobra e mayornan, pero mas bien ta e scol, e maestro, e cabesante ta esun cu ta manda cobra. Ponencia di MEP ta cu e mucha mester por haya enseñansa. Locual ta pidiendo un contribucion di mayornan pa actividad. Si ta cobra pa actividad esey ta otro cos.
Pero no por scondie pa un ouderlijke bijdrage.
Den pasado nan no kier duna e mucha rapport, door cu e no a paga schoolgeld, violando nos constitucion, paso e mucha tin deber ariba enseñansa. Esey ta hopi importante pa tene cuenta cu esey.
Sr. Luigi Bergen di MEP a core campaña, cu no mester cobra schoolgeld. Mester distancia e schoolgeld cu e contribucion di mayornan. Esey ta locual cu tin hopi diferencia di opinion riba dje. E pober homber chikito, cu no por pag’e, cu no por bay actividad, ta wordo confronta cu e situacion. Como adulto, e cos aki mester wordo afronta cu e mayornan y no cu e mucha den klas, cu otro mucha mester sa cu e mucha debe schoolgeld. Esaki ta algo di condena.
Den futuro lo mester wak, den maneho di e minister di enseñansa, pa e wak con e por aloca un fondo cu eigenlijk cu por yuda muchanan den circunstancianan asina, pa cubri esaki pa nan por tuma e cuenta tambe na actividad. Pa un mucha di e edad ey, pa nan nenga di lag’e participa na actividad.
Pero ta depende di abo como scol kico bo kier y abo como persona kico bo kier. Ta papia di e ser humano, e hende pero hopi biaha nos mes no ta practica esaki. Hopi biaha ta di boca afo. Mester ta mas creativo, pa crea fondonan chikito, cu nos mes den scol por cubri esakinan pa muchanan den necesidad. Mester diferencia entre esunnan cu por y esunnan cu no por.
Tin un trend mundial, cu nos ta creando un generacion di hendenan di dependiente di gobierno y den e caso mester diferencia esaki hopi.
Tin hopi mayor cu ta gana un salario hopi abao y ta pasa den duro pa paga schoolgeld. Pero asina mes, scolnan ta laga nan yiunan afo di actividad di scolnan. Lo mester pidi e Minister di Enseñansa pa take care di esaki. Pero tin mester tin tur e papelnan na ordo y mayoria fundacionann ta wordo subsidia door di gobierno. Y nan mester duna cuenta di con nan ta gasta e placa di subsidio y mester wak si en berdad mester sigui cobra e mayornan nan contribucion. E fuente di entrada mas grandi pa e fundacionnan aki ta e subsidio cu nan ta haya for di gobierno. Mester wak kico nan ta haci cu pueblo. Constitucion di Aruba ta bisa cu educacion na Aruba ta liber y mester percura pa tur yiu di tera haya educacion. Parlamento lo bay pone enfasis hopi pisa den e siguiente simannan.
Ta hopi importante pa tene cuenta cu esunnan mas vulnerabel, door di wak kico nan por cubri, kico nan por paga. Mester urgi gobierno pa pone un fondo tiki mas social den casonan asina, ya cu tin muchanan cu no por paga esey completo. Mayornan cu tin dos yiu, cu entrada redelijk cu cual lo por contribui cu nan. Awendia ta haya mamanan soltero cobrando bijstand y ta gobierno ta pagando schoolgeld pa nan. Esaki ta un discriminacion contra di esun cu ta traha, segun Sr. Edgard Vrolijk, parlamentario di MEP.
Parlamento tin un responsabilidad pa cu enseñansa y esaki ta un di e aspectonan cu lo tene cuenta cun’e. Lo pidi minister pa habri tur buki cu tin , pa ponenan riba mesa pa e fundacionnan mustra con ta maneha e placa di subsidio. Mester busca manera pa socialisa e contribucion di mayornan.