Den un conferencia yama di parti di IPA, sr. Haime Croes a informa cu studiantenan di IPA a bay di pasantia den exterior. Brevemente Croes a bay riba e idea di e conferencia aki. Como coordinador di PM Groep (Perspectiva Mundial), tur aña di tercer aña ta bay den exterior pa nan haya experiencia di kico ta pasa afo, pa loke ta trata enseñansa y con por bin yuda enseñansa na Aruba di e luganan cu nan a bishita.
Croes a presenta cada grupo cu a bay na diferente luga, kendenan a splica e miembronan di prensa y kico IPA por haci cu loke nan a bay siña den exterior.
Como e studiantenan aki ta bay duna basis na IPA, a duna un basis tool di loke ta didactica y e parti di didactica aki, si nan bay den exterior, nan por logra haya otro mas cu kisas ta bay yuda mas den nan dunamento di les.
Un di e topiconan cu a haci den perspectiva mundial e aña aki, manera cu a bin ta haci den e ultimo tres añanan ta Desaroyo Duradero (Duurzame Ontwikkeling). Esaki ta tene cuenta specialmente cu e parti di sostenibilidad, pero no solamente den liñanan grandi, kico ta sostenibilidad, pero tambe con ta hib’e pa scol. Hibando sostenibilidad pa scol, ta mas dificil cu bay pasa riba kico ta sostenibilidad. Tin cu bay duna e mucha, pasobra un di e rekisitonan cu ta lubida tin biaha, cui no por papia di sostenibilidad, si no tin steun di
Gobierno. E unico manera pa haya sosten di comunidad, ta cuminsa na e mucha. Pasobra e ora e mucha tambe sa con e tin cu biba den un forma sano, unda cu sostenibilidad ta wordo treci den balance. IPA, den e ultimo tres añanan. A traha hopi riba e aspecto aki, unda cu kier a purba di introducie den enseñansa, unda cu ta splica muchanan cu loke ta tende hopi biaha afo na Merca, na Hulanda, na diferente hopi pais, a tende hopi biaha di Profit of Green. Ta un aspecto hopi chikito den sostenibilidad. E ta un balansa entre cuater pace. Participation, Profit, People y loke ta esun tambe basta importante, cu nan participation, people, profit y planet, cu ta hopi importante.