MADRID, Spaña- Den e di 60 minuut di e partido di diadomingo, den cual Real Madrid a golea Sevilla 4-1, e Colombiano a baha for di veld pa e wordo reemplasa pa e Brazilero Casemiro y e publico presente den e Santiago Bernabeu a duna un ovacion. E medio campista a responde cu un gesto y un mirada cu ta habri hopi interogante.
E hungado, naci na Cucuta (Norte di Santander, Colombia) dia 12 di Juli di 1991 tabata pasa su tempo keintando banki of hungando como titular bou di direccion di e Frances Zinedine Zidane, y den e ultimo dianan tabata tin hopi speculacion di loke ta bay ta su futuro, indicando cu e lo bay hunga den e Premier League Ingles, cu Manchester United pa ta exacto, bou direccion di Jose Mourinho, pero no tin nada confirma. Lo mester warda te na final di e temporada pa sa kico lo pasa cu James, pero rednan social ya caba a cuminsa yena cu opinionnan di tur clase.
James Rodríguez a yega Real Madrid despues di un desempeño espectacular cu e seleccion di Colombia den e Mundial di Futbol Brazil 2014, unda cu e tabata e maximo goleado (seis gol) y el a score un gol contra di Uruguya cual na final di temporada, a wordo premio cu Premio Puskás di FIFA.
Mientras tanto, e centro campista Colombiano a perde e ultimo training di Real Madrid, door di un lesion na su pia drechi y lo perde e partido decesivo di La Liga contra di Celta. E obhetivo ta pa recupera pa e final di e Champions League.
Fuente: www.cnnenespanol.com/www.efe.com