Arubaanse Padvinders Gilde a organisa nan prome anochi informativo cu un sala na MFA Paradera bon atendi. A organisa e anochi aki cu sosten di Gobierno di Aruba, conhuntamente cu Fundacion Lissette Gomez cu a uni forza pa informa y conscientisa e comunidad di e situacionnan cu por surgi, con pa reconoce e senalnan, con pa deal cu esaki y unda pa acudi pa ayudo inmediato.
E anochi a conta cu presentacion di Sra Carmen Herrera cu a bin cu un elenco di canto y theatre pa den un forma divertido por sinja e muchanan di 3de klas di scolnan basico. E scolnan publico ya ta hayando e tips di lesnan aki cu ta sinja e muchanan un mensahe hopi fuerte: Ningun hende no mag mishi cu Ningun parti intimo di un mucha. E ta sinja e mucha cu na momento cu nan ripara cu tin un situacion asina pa e bisa No, core bai for di e situacion y bai denuncia e persona.
Tambe tabatin un panel di profesionalnan cu a contesta preguntanan encuanto di e topico, Sr. Eric Barry di Jeugd en Zeden Politie, Mitsy Willems Psychologo, Dr June Geerman Tromp como dokter di cas y Lila Mackay trahador social.
Tur hende den barionan, adultonan y hobennan ta keda invita pa e proximo encuentronan cu ta tuma lugar na:
MFA Sta.Cruz dia 28 di mei 2019
MFA Savaneta dia 4 di juni 2019
MFA Noord dia 11 di juni 2019
Orario: 7 pm
Nos como comunidad so por ban stop e silencio, y ban lanta para pa proteha nos muchanan.
Nos muchanan na Aruba ta responsibilidad di nos tur, y door di trata e tema aki nos por yuda e futuro di e muchanan, cual ta e futuro di Aruba.