Despues di tiro basta boto a sali for di Venezuela cu personanan ilegal rumbo awanan territorial di Aruba radar a capta movecion pariba di Aruba den careda di 3’or marduga unda kustwacht a los flare y tabatin un buskeda grandi andando.
Despues di rato a logra capta un movecion pabou di Aruba y aki si kustwacht a canta bingo, a encontra e boto y detene 6 persona y mainta a haya basta bulto y tankinan.
Radar mainta a capta un contacto yegando Aruba di zuid y aki a drenta accion hunto cu polis y kustwacht a haya sorpresa a topa cu mas cu 10 hende y te hasta tiro di advertencia a cay, debi cu e personanan aki ta conoci pa trece arma y mas. Polisnan a haya apoyo di tur polis di Aruba hasta esnan na cas. Detene riba 15 persona aki na isla di oro. Helicopter tabatin ratonan den halto pa ta e wowonan pa e polisnan y asina a guia e operacion aki. E comisario di Polis tambe tabata na e sitio pa presencia tur e scenario. Personal di guarda nos costa tambe a duna un man pa yuda busca y bay cu e detenidonan.